ХҚҚО президенті Жанділда Жакупов халықаралық делегация құрамымен Түркиядағы Әзербайжан Республикасының Елшілігінде болды. Кездесу барысында дипломаттармен және құқықтық ұйымдардың өкілдерімен адам құқықтары мен әлемдік медиация саласындағы халықаралық ынтымақтастықты дамыту мәселелері талқыланып, бірлескен бастамалар мен жобаларды жүзеге асыру жоспары  айқындалды.

Тараптар гуманитарлық байланыстарды нығайтуға, өзара құрмет пен әділдік құндылықтарын ілгерілетуге, сондай-ақ шетелдегі азаматтардың құқықтарын қорғау саласындағы тәжірибе алмасуға айрықша назар аударды. Келіссөздер барысында екі елдің құқық қорғау құрылымдары арасындағы өзара іс-қимылды кеңейту және халықаралық дауларды реттеудегі медиацияның тиімділігін арттыруға бағытталған халықаралық конференциялар ұйымдастыру бойынша нақты қадамдар белгіленді.

Кездесу өзара түсіністік пен ашық диалог рухында өтіп, тараптардың конструктивті серіктестікті дамытуға және халықаралық құқық қорғау аренасында өз ұстанымдарын нығайтуға деген ортақ ұмтылысын айқын көрсетті.